మంచు విష్ణు డ్రీమ్ ప్రాజెక్ట్‌గా రూపొందుతున్న ‘కన్నప్ప’ సినిమా మొదటి రోజు నుంచి ట్రోలింగ్, ఆఫీస్ బాయ్ హార్డ్ డ్రైవ్ ఎపిసోడ్, ఇప్పుడు బ్రాహ్మణ వర్గం అభ్యంతరం వల్ల మరోసారి వివాదాల మధ్య చిక్కుకుపోయింది. ఈ సినిమాపై సోషల్ మీడియాలో అప్పుడప్పుడూ విమర్శలు వెల్లువెత్తినప్పటికీ, తాజాగా విడుదల ముందే సెన్సార్ బోర్డు జోక్యం అవసరం కావడం సినిమా భవితవ్యంపై అనేక సందేహాలు కలిగిస్తోంది.
13 సీన్లు తొలగిస్తే ‘కన్నప్ప’కి కోర్ట్ ఏముంటుంది?
తెలంగాణ బ్రాహ్మణ చైతన్య వేదిక చేసిన ఫిర్యాదు మేరకు, చిత్రంలో 13 సీన్లు బ్రాహ్మణులను అవమానించేలా ఉన్నాయని అభిప్రాయపడింది. దాంతో సెన్సార్ బోర్డు రంగంలోకి దిగింది. 11 మంది సభ్యులతో కూడిన ప్రత్యేక కమిటీ, సినిమా చూడగా ఆ 13 సీన్లను తొలగించకపోతే అనుమతి లేదని స్పష్టంచేసింది.
ఇప్పుడు ప్రశ్నేంటంటే — ఆ సన్నివేశాలు కీలకమైనవైతే? తిరిగి షూట్ చేయాల్సి వస్తుందా? లేక కథను మార్చాల్సి వస్తుందా? సినిమా అసలు సిసలైన ఉద్దేశాన్ని కోల్పోతుందా?
విడుదలకు మరో షాక్ వస్తుందా?
ఇప్పటికే జూన్ 27న విడుదల తేదీగా ప్రకటించారు. కానీ తాజా పరిణామాల నేపథ్యంలో సినిమా వాయిదా పడే అవకాశాలు కనిపిస్తున్నాయి. సెన్సార్ అనుమతుల కోసం వేచిచూడాల్సి ఉంటుంది. సీన్లు తొలగించినా, టెక్నికల్‌గా సరిచేయడానికి తగిన సమయం అవసరమవుతుంది. టైమ్ ఎంత ఉంటుందనేది ఇప్పుడు ప్రశ్న.
ఇప్పటికే ఎన్నో వివాదాలు…
హార్డ్ డ్రైవ్ కుంభకోణం: కొన్ని రోజుల క్రితం సినిమా డేటా ఉన్న హార్డ్ డ్రైవ్‌ను ఓ ఆఫీస్ బాయ్ బయటకు తీసుకెళ్లడంతో, సెక్యూరిటీ ల్యాప్స్‌పై విమర్శలు వచ్చాయి.
భారీ తారాగణం, బహుభాషా విడుదల
ఈ సినిమాలో ప్రభాస్, అక్షయ్ కుమార్,మోహన్ లాల్, కాజల్, మోహన్ బాబు వంటి తారలు ఉన్నా, ఇప్పటివరకు విశ్వసనీయ హైప్‌ను అందుకోవడంలో విఫలమైంది. అందులోనూ ఈ వివాదాల వల్ల సినిమాపై ప్రేక్షకుల్లో రిలీజ్ పై క్లారిటీ లేకుండా పోయింది.
క్లైమాక్స్:
ఈసారి ‘కన్నప్ప’కి సాక్షాత్తు సెన్సార్ బోర్డు రూపంలో శివుడు పరీక్ష పెడుతున్నట్లు ఉంది. 13 సీన్లు తొలగించాల్సిన పరిస్థితి, రిలీజ్ డేట్ వాయిదా పడే అనుమానం, ఇవన్నీ సినిమా అంచనాలకంటే వివాదాలే ఎక్కువగా మిగిలిపోతున్నాయన్న ఫీల్ కలిగిస్తున్నాయి. జూన్ 27న ‘కన్నప్ప’ వస్తాడా? వాయిదా పడతాడా? అన్నది ఇప్పుడు టాలీవుడ్ హాట్ టాపిక్!
